Џилијан Андерсон има забелешки за застапеноста на жените во „Досие Икс“

„Вистината е таму некаде“, но ѕвездата од хит серијата „Досие Икс“, Џилијан Андерсон не е баш среќна поради тоа.

Имено, како што пишува интернет страницата ИМДБ, таа е незадоволна од половата „нееднаквост“ во сценаристичкиот тим задолжен за наредната 11-та сезона од серијата.

- Се надевам дека ќе дојде денот кога бројките ќе бидат поинакви, изјави глумицата низ шега, коментирајќи го фактот што меѓу сценаристите има само мажи.

Креаторот на серијата, Крис Картер пак, најави дека во тимот ќе бидат вклучени и жени.

Засега не е познато кога ќе се случи премиерата на новите епизоди.