Намален бројот на сообраќајни незгоди во Крива Паланка

 

- Во областа на патниот сообраќај состојбата се оценува како поволна, бидјеќи на јавните патишта и улиците во градот во текот на извештајниот период се случија вкупно 26 сообраќајни незгоди, додека во првото полугодие лани се случиле 32 незгоди, што покажува дека бројот на незгодите е намален за 18,7 отсто,  изјави Ивановски.

 

Во информацијата се наведува и дека за овој период се превземени мерки и на превентивно-репресивен  план.

 

- За управување под дејство на алкохол, без возачка дозвола, како и за управување со технички неисправно или нерегистрирано возило исклучени се 87 возачи и 56 возила, алкотест е употребен во 923 случаи, при што во 56 случаи возачите покажале знаци на алколизираност, во 17 случаи е земена крв и урина за анализа, а времено беа одземени 36 возачки дозволи, потенцира Ивановски.

 

Во информацијата за превземени мерки и активности во текот на првото полугодие од 2015 година се наведува дека по преземените мерки за потешките прекршоци поднесени се вкупно 390 барања за поведување прекршочна постапка, 5 кривични пријави за предизвикани сообраќајни незгоди со потешки последици, како и врачени се 361 покана за наплата на глоба.