Куп Конфедереции: Голманот Браво го однесе Чиле во финалето

 Репрезентацијата на Чиле избори место во финалето на фудбалскиот Куп на Конфедерации што се одржува во Русија. Чилеанците синоќа во Казан, во првиот полуфинален меч ја победија Португалија со 3:0 на пенали.

 

По основните 90 и дополнителни 30 минути немаше погодоци, иако и двете репрезентации имаа по неколку шанси за гол.

 

Јунак во пенал серијата беше голманот на јужно-американски шампион Клаудио Браво кој ги одбрани пеналите на Рикардо Кварезма, Жоао Мутињо и Нани, додека за Чиле погодија Артуро Видал, Чарлс Арангуиз и Алексис Санчез, па немаше потреба за четврта и петта серија бидејќи водството од 3:0 беше недостижно за европскиот шампион.

 

Во второто полуфинале вечер од 20 часот во Сочи ќе се сретнат селекциите на Германија и на Мексико.

 

Финалето е закажано за недела во Санкт Петербург.