ЛШ: Металург го пречекува Кадетен Шафхаузен

Тренерот Лино Червар на денешната прес конференција истакна:

- Изненадување претставува што Кадетен загуби дома (30:31) во првото коло. Тоа ќе биде знак дека нас ќе ни биде потешко бидејќи тие ќе сакаат да победат. Сакаме и ние триумф во Лигата на шампионите, но сепак ова е млада екипа. Цел ни е да покажеме дека сме на добар пат.

За тоа дали составот на противникот или притисокот кај Металург е поголема опасност, Червар истакна:

- Имаме голем притисок дека играме дома наш прв натпревар, но тоа може да биде и добро. 

Капитенот Жарко Пешевски изјави:

- Атмосферата е добра и се подготвуваме да постигнеме добар резултат и да се радуваме.

Во редовите на Кадетен бранат голманите Портнер (Швајцарија), Мариновиќ (Австрија), играат Часар (Унгарија), како и швајцарските репрезентативци Линигер и Марос, како и екс играчот на Вардар Александар Стојановиќ.

Натпреварот Металург - Кадетен Шафхаузен се игра во сабота од 17:30 часот во СЦ „Борис Трајковски“.