Принцот Хари сакал да се повлече од британското кралско семејство
Британскиот принц Хари, помладиот син на престолонаследникот, принцот Чарлс и покојната принцеза Дијана, призна денеска дека во еден период размислувал да се повлече од кралското семејство.
Во интервју за неделникот „Меил он Сандеј“ Хари изјави дека размислувал и да се откаже од титулата што му следува според раѓањето и да стане само обичен, британски граѓанин.
- Сепак, на крајот решив да останам и да ја задржам и понатаму улогата што ми припаѓа, посочи 32-годишниот принц.
Хари е петиот во редот на претендентите на британскиот престол, по татко му, постариот брат, принцот Вилијам и неговите две деца - Џорџ и Шарлот.
Во интервјуто тој признава дека престојот и работата во редовите на британската армија бил периодот на „најдоброто бегство кое било кога го направил“.
Младиот принц два пати, во сосема кусо време во разговори за два весника - американскиот неделник „Њузвик“ и сега британскиот, проконзервативен весник „Меил“ зборува за своите дилеми како дел од кралското семејство, но и за неговата улога и позиција во општеството.
Хари инсистира дека кралското семејство не сака да биде група од познати и популарни лица во јавноста, туку дека сакаат и настојуваат нивната улога (во општествто) да биде за општото добро на луѓето.
Десет години принцот Хари беше во редовите на армијата, а на два пати на служба во Авганистан, во базата „Бастион“ во провинцијата Хелманд, една од најопасните во оваа средноазиска земја.
Мораше да се повлече од базата и службата во Авганистан, откако медиумите открија дека еден од членовите на посадите на хеликоптерите „Апачи“ е британскиот принц.
Во неделникот „Њузвик“ Хари минатата недела тврдеше дека никој од семејството не е во трка за британскиот трон, забележувајќи дека „никој не сака да биде крал или кралица“.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп