Тажна вест: Почина режисерот на „Роки“

Американскиот режисер Џон Ејвилдсен, добитникот на Оскар за режирање на филмот „Роки“, почина на 81- годишна возраст, јавија американските медиуми.

 

– Ејвилдсен почина од рак на простата во болница во Лос Анџелес, наведе неговиот син Антони.

 

Тој во 1977 година освои Оскар за режирање на филмот „Роки“, со младиот Силвестер Сталоне, кој ја играше улогата на сиромашен боксер.

 

– Мислам дека Роки на луѓето им даде надеж, а нема подобро чувство од тоа, изјави тогаш Ејвилдсен.

 

Исто така, неговиот филм „Карете Кид“ оствари значителен успех.

 

– Сигурен сум дека наскоро ќе режираш во рајот. Ти благодарам, наведе Сталоне.