-->
-->
Мајка монструм си ги уби своите ќерки
-->

Мајка тинејџерка, "свесно" си ги убила двете дечиња откако ги оставила заклучени во врел автомобил повеќе од 15 часа за да може да се забавува со пријателите.
Аманда Хокинс, 19, ги оставила малите ќеркички Едисон (2) и Брин (1) внатре во возилото на превисока температура, без храна и без вода во текот на 15 часа.
Игнорирајќи ги нивните повици за помош, мајката - инаку вработена во Walmart, ја поминала ноќта во куќата на пријател во Кер Каунти, Тексас. Кога пријателот ѝ сугерирал да ги внесе внатре дечињата таа го одбила.
Додека се вратила назад по нив во автомобилот следниот ден, тие веќе биле онесвестени на 33 степени во возилото. Но наместо веднаш да ги однесе во болница, таа ги избањала и ги преоблекла во различна облека. Првично се обидела да го прикрие она што се случило објаснувајќи им на лекарите дека тие се онесвестиле откако мирисале свежи цвеќиња во локалниот парк.
Полицијата го истражувала случајот и морала детално и во повеќе наврати да ја испрашува за мајката конечно да признае.
Кер Каунти Шериф Хиерхолцер изјави во соопштението: "Ова досега е најужасниот случај на загрозување на животот на сопствените деца до сега што сум го видел во овие 37-години откако работам спроведувајќи го законот".
Иако евиденцијата покажа дека таа нема "историја" со полицијата, од тогаш се откри дека ова не ѝ било прв пат да ги остави децата сами во автомобил.
"Ги имав двете најубави внуки", изјавила мајката на Хокинс - Алиша Еди велејќи "Јас не се согласувам со тоа што се случило, она што таа го направила, но ја сакам, ќерка ми е. Ќе бидам тука за неа. Ние сме премногу збунети..."
Таа била уапсена во четвртокот и обвинета по две точки - за напуштање на дете и за загрозување на животот на дете. Таа би се соочила со две години затвор - но полицијата изјави дека обвиненијата можат да се зголемат бидејќи децата починале.
-->
-->
-->
Ново на Сител
-
Вучиќ изјави дека ќе бидат распишани вонредни избори, но не прецизираше датум
-
СЗО: Глад и болести се шират во Судан, 25 милиони луѓе загрозени поради недостиг од храна
-
Жител на тетовско осомничен за задоволување полови страсти на јавно место
-
Поради сообраќајка во прекин регионалниот пат Маврови Анови - Дебар
-
Кривична за четири лица за тешка кражба, нанеле штета од над 10 милиони денари на ЈП за железничка инфрастрактура
-
Приведени две лица од Неготино, одзеле 30.000 евра од дом на брачен пар
-
Германија го запира извозот на воена опрема во Израел и повикува на прекин на огнот во Газа
-
76-годишна жена измамена за 20.000 евра - и кажале дека ќерка и била прегазена, биле потребни пари за операција