Големо невреме ќе ја зафати Македонијa денес - Пороен дожд засилен ветер и град

Денеска попладне и во вечерните часови на повеќе места ќе биде нестабилно со пороен дожд и грмежи, локално и во форма на невреме со интензивен пороен дожд, засилен ветер и услови за појава на град.

Метеоролозите најавуваат дека и во скопската котлина попладне и во вечерните часови ќе има услови за појава на невреме со интензивен пороен дожд, засилен ветер и појава на град.

Утре услови за нестабилност со локален пороен дожд и грмежи ќе има во јужните делови од земјата, особено во првата половина од денот. Ќе дува засилен северен ветер, особено долж Повардарието.

Од утре попладне, па во наредните денови ќе преовладува стабилно и топло време.