„Златната петорка“ најдобар филм на фестивалот на Југоисточна Европа во Париз
„Златната петорка“ во режија на Горан Тренчовски е прогласен за најдобар долгометражен филм на фестивалот на Југоисточна Европа во Париз и ја доби првата награда за монтажа.
Филмот за петтемина струмички студенти го отвори фестивалот и супериорно ја плени француската публика, а интернационалното стручно жири, во театарот „Палас“, го прогласи за најдобар во силна конкуренција од 15 филмови.
Монтажата на „Златната петорка“ ја потпишуваат Андрија Зафрановиќ и Аристид Филактов.
По главната награда „Златен Грифон“ во Перуџа и по Специјалната награда во Москва, ова е четврта интернационална награда на „Златната петорка“. Досега, за само осум месеци по светската премиера и со над 15.000 гледачи во Македонија, ова е 10-то фестивалско учество на филмот. До крајот на годината е селектиран на уште толку филмски фестивали ширум Европа и Светот.
Продуцентот е во преговори со голема телевизиска компанија заинтресирана да го емитува „Златната петорка“ на над 50 милионска публика, а веќе се преговара и со неколку потенцијални копродукциски страни за поддршка на новиот филмски проект на Горан Тренчовски и продукцијата Револушн од Скопје.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола