Предвремени парламентарни избори на Малта
Граѓаните на Малта денеска гласаат на предвремени парламентарни избори, кои премиерот Џозеф Мускат ги распиша за повторно да ја добие довербата по обвиненијата дека неговата жена поседува компанија која е поврзана со Панама документите.
Анкетите предвидуваат победа на Лабуристичката партија на Мускат, но со многу помала разлика од 2013 година, кога партијата убедливо победи по 15 години во опозиција. Истражувањето на јавното мислење покажува и дека една петтина од гласачите се неопределени.
Опозициската Националистичка партија побара од Мускат (43) да поднесе оставка поради обвиненијата за некоректни бизнис договори на неговата сопруга и на дел од неговите соработници.
Сопругата на Мускат е обвинета дека е сопственик на тајна панамска фиктивна компанија, која е користена за финансики трансакции за владејачкото семејство во Азербејџан.
Шефот на кабинет на Мускат и еден министер во неговата влада претходно признаа дека имаат непријавени компании регистрирани во Панама.
Малта, која претседава со Европска унија, е најмалата земја-членка во Унијата.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o