ВМРО-ДПМНЕ: СДС знае да управува само со лажни ветувања

ВМРО-ДПМНЕ денеска обвини дека СДСМ уште не влезена во Владата почна да релативизира и оти се што ветуваа за избори сега го претставуваат како цел кон која тежнеат.

- Додека народот чека субвенции, поголеми плати, просечна плата од 30.000 денари како што ветуваа, тие смислуваат црни сценарија за ВМРО-ДПМНЕ се со цел народот да заборави на лажните ветувања кои СДС ги расфрлаше во изминатиов период. СДС знае да управува само со лажни ветувања и смислување на црни сценарија, се наведува во соопштението од ВМРО-ДПМНЕ. 

Наместо СДС, како што стои, „да спроведува реформи кои долго време ги најавуваше, тие организираат хистерични хајки против ВМРО -ДПМНЕ се со цел да се елиминира единствената политичка партија која деноноќно работи за националното единство и просперитетот на сите граѓани во државата“.

- Првата изјава на Зоран Заев затоа не е за покачување на пензиите или покачување на просечната плата до 30.000 денари. Првата изјава е за смена на Јавниот обвинител кој го гони затоа што барал поткуп од едно евро за Вице. Се поочигледно е дека Владата на аболицираниот криминалец Зоран Заев и СДС нема што да понудат на македонскиот народ освен лажни ветувања, деструкција и страв. Поради тоа оваа влада не е реформска туку анти-реформска, се посочува во соопштението од ВМРО-ДПМНЕ.