Нивото на водата во Охридското Езеро 15 сантимери над месечниот просек

Нивото на водата во Охридското Езеро денеска се наоѓа на котата 693,5 метри надморска височина. Тоа е за 15 сантиметри над просекот за јануари утврден на 693,35 метри надморска височина или 40 сантиметри над дозволениот минимум ( 693,1).

Водостојот на Охридското Езеро денеска е забележително повисок од вообичаеното за овој период од годината, покажуваат најновите податоци на Управата за хидрометеоролошки работи (УХМР).

Според официјалните мерења, нивото на водата изнесува 693,51 метри надморска височина, што е за 16 сантиметри над јануарскиот просек, кој изнесува 693,35 метри. Истовремено, водостојот е и 41 сантиметар над дозволениот минимум.

Податоците од неделната анализа покажуваат дека нивото на езерото е во постепен пораст – од 693,48 метри на почетокот на неделата, до денешните 693,51 метри надморска височина, што значи зголемување од три сантиметри за само неколку дена.

Температурата на водата денеска изнесува 6 степени Целзиусови, што е во рамките на просекот за месец јануари, кој изнесува 6,8 степени.

Иако состојбата засега не е алармантна, експертите внимателно го следат нивото на водата, особено во контекст на зимските врнежи и климатските промени кои сè почесто влијаат врз хидролошката состојба на Охридското Езеро.

МИА