Нино Величковски, Љубојна и Џамбо Агушев вечерва на Боемска улица

Во рамки на големата забава „Супер Скопје“ вечерва на сцената поставена кај Боемска улица во Дебар Маало, помеѓу гостилниците „Идадија“ и „Кај Перо“ ќе настапат Нино Величковски и Тамбураши, Љубојна и Џамбо Агушев Оркестар.

Како што информираат од Град Скопје, проектот „Супер Скопје“ се реализира во насока на подобрување на културно-забавната понуда во Скопје, а истата доаѓа на предлог и иницијатива на сопственици и менаџерите на угостителски објекти од повеќе локации од Скопје. Програмата и изборот на изведувачите, исто така, е правена по директен предлог на угостителите.