Насрала вети „ефикасна“ одмазда против Израел
Шефот на проиранското движење Хезболах, Хасан Насралах денеска вети дека ќе организира „ефикасна“ одмазда против Израел, јави ДПА.
-Нашиот одговор доаѓа и ќе биде силен и ефективен, им порача Насрала на илјадници свои следбеници преку видео. Забелешките дојдоа една недела по убиството на високиот воен командант на Хезболах, Фуад Шукр во Бејрут.
Насрала рече, без оглед на последиците, „неговото движење не може да го остави атентатот да помине неказнето“. Тој се осврна и на убиството на лидерот на Хамас, Исмаил Ханије во иранскиот главен град Техеран минатата недела.
Тој додаде дека Хезболах „ќе одговори, но внимателно и храбро, а израелското чекање е дел од одговорот“.
Тој рече дека одмазднички напад може да се случи заедно со други групи во таканаречената „оска на отпорот“, вклучувајќи ги и оние во Ирак и Јемен. Иранското раководство вети дека ќе се одмазди.
-Целта на борбата е да се спречи победата на Израел, рече Насрала.
Хезболах соопшти дека дејствува во солидарност со Хамас во Појасот Газа и дека ако борбите таму престанат, движењето ќе го остави оружјето во јужен Либан.
Непосредно пред Насрала да почне да зборува, се слушнаа звучни удари на израелски борбен авион над Бејрут и неговите предградија, предизвикувајќи паника и страв.
Шефот на Хезболах го обвини Израел дека избрал да ги ескалира тензиите откако го погоди командантот во јужните предградија на Бејрут, жариште за групата, и го уби Ханија во Техеран.
Насрала призна дека убиството на Шукр е голема загуба за групата.
Ново на Сител
-
Димитриеска-Кочоска: Растот на економијата следната година над 3,5 отсто, се темели на инвестиции
-
Мицкоски по повод 23 Октомври: Да не го губиме времето на поделби, туку да создадеме општество на можности и почит
-
Мисајловски: Со почит се сеќаваме на револуционерите, Македонија заслужува да биде развиена, прогресивна и безбедна
-
Голем интерес за вакцинација против сезонски грип, досега пријавени над 52 000 лица
-
Сиљановска Давкова помилува десет осуденици
-
Штрајк на наставниците во Грција
-
Претреси во Битола и Македонски Брод, пронајденo оружје и муниција, лишени од слобода две лица
-
Гаши: Значајните историски датуми се потсетник дека треба да дејствуваме заедно во градење современа и просперитетна држава