Намалени продажните цени на производителите на индустриски производи
Продажните цени на производителите на индустриски производи, вкупно, во септември годинава се пониски за 0,6 отсто на месечно ниво, а за 5,1 проценти на годишно ниво.
Според податоците на Државниот завод за статистика, продажните цени во споредба со претходниот месец, се пониски во секторите Рударство и вадење камен за 3,3 отсто и во Преработувачка индустрија за 0,6 отсто, а во секторот Снабдување со електрична енергија, гас, пареа и климатизација се повисоки за 1,5 проценти.
Во споредба, пак, со септември 2014 година, се пониски во секторите Рударство и вадење на камен за 3,8 отсто и Преработувачка индустрија за 5,7 процети, а во секторот Снабдување со електрична енергија, гас, пареа и климатизација се повисоки за 1 отсто.
Продажните цени на производителите на индустриски производи, на странски пазари, во септември годинава се пониски за 2 отсто на месечно ниво, а за 5,9 проценти на годишно ниво.
Во споредба со претходниот месец, продажните цени се пониски во секторите Рударство и вадење камен за 4,7 отсто, и Преработувачка индустрија за 1,7 проценти.
Вооднос на септември 2014 година, продажните цени се пониски во секторите Рударство и вадење камен за 5,3, и Преработувачка индустрија за 6 отсто.
Ново на Сител
-
Возач загина откако удрил со возило во надворешната капија на Белата куќа
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место
-
Драма во Кавадарци: 18-годишник нападнал полицајци кои се обидувале да приведат побегнат затвореник
-
Меси се запиша во историјата на МЛС лигата – Гол и пет асистенции
-
Австралиската полиција уби тинејџер поради напад кој укажува на тероризам
-
Одбележување на 5 Maj - Денот на македонскиот јазик