Најмалку двајца загинати во напад со нож во муслимански центар во Лисабон

Најмалку две лица загинаа денеска во напад во Исмаили центарот во Лисабон, соопшти португалската полиција, не наведувајќи повеќе детали.

Си-Ен-Ен Португалија објави дека осомничениот за тој напад е наводно државјанин на Авганистан, кој нападот го извршил со голем нож, а потоа бил застрелан и приведен.

Главната цел на Исмаили центрите е да поттикнат меѓусебна соработка и разбирање меѓу различните народи, заедници и религии, се наведува на нивната веб-страница.

Шиитските муслимани Исмаили се заедница на етнички и културно различни народи кои живеат во повеќе од 25 земји низ светот