Најмалку 31 лице загина во синоќешниот напад во Могадишу

Најмалку 31 лица загина, а 40 се повредени во нападот врз популарен ресторан во Могадишу, што го извршија припадници на екстремистичката група Ал Шабаб. 

Сомалиската полиција наведе дека се убиени сите петмина напаѓачи - припадници на терористичката група, а повеќето од цивилните жртви се убиени од непосредна близина. 

- Мислев дека никогаш веќе нема да видам сонце. Ги убиваа сите што го гледаа. Преживеав бидејќи се криев под една долга маса, наведе преживеана жена, што беше сведок на настанот. 

Ал Шабаб ја презеде одговорноста веднаш по почетокот на нападот.

Синоќешниот напад почна со експлозија на автомобил-бомба, што го урна покривот на расторанот и околните згради. 

Напаѓачите го прекинаа дотокот на електрична енергија, со што било отежнато спасувањето. 

Се наведува дека многу од жртвите биле млади лица, кои работеле во ресторанот. Голем број од повредените се хоспотализирани. 

Опсадата на ресторанот траеше цела ноќ. 

Група вооружени војници ја обиколија зградата, додека други влегоа во приземјето на ресторанот. 

Претставникот на сомалиската полиција, Мохамед Хусеин, наведе дека сите петмина напаѓачи се убиени и дека војниците утринава ја обезбедија зградата. 

Според првичните извештаи, екстремистите во ресторанот држеле најмалку 20 заложници.