Најмалку 22 лица убиени во Камерун, меѓу жртвите најмногу се деца
Најмалку 22 лица, меѓу кои и 14 деца, загинаа во напад во село во северозападен Камерун, соопштија Обединетите нации. Неколку жртви биле запалени живи, јави Би-Би-Си повикувајќи се на локалните медиуми. За сега никој не ја презеде одговорноста за нападот, но опозицијата во Камерун ја обвинува армијата.
Владата во Камерун, која три години се бори против сепаратистите во регионот, негираше дека е поврзана со нападот. Официјален претставник на ОН за Би-Би-Си изјави дека меѓу жртвите има и бремена жена, како и 14 деца, од кои деветмина имале помалку од пет години.
– Луѓето со кои разговаравме се екстремно трауматизирани и не очекуваа ова да се случи. Се стравува дека ќе има уште насилства како ова, рече претставник на ОН.
Опозицијата во соопштение за нападот го обвини „диктаторскиот режим и безбедносните сили на Камерун”. Агбор Мбала, водач на сепаратистичкото движење, исто така посочи дека државните сили се одговорни за нападот, а воен функционер ги негираше обвинувањата, тврдејќи дека се лажни, јави Би-Би-Си.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп