Најмалку 12 загинати и 13 повредени во несреќа во рудник за јаглен во североисточна Кина

Најмалку 12 лица загинаа, а 13 се повредени во несреќа во рудник за јаглен во североисточна Кина, јавија денеска државните медиуми.

Несреќата се случила во рудник лоциран на периферијата на градот Џиси, во провинцијата Хејлунгџанг, јави кинеската телевизија CCTV. Истрагата за причините за несреќата е во тек.

Безбедноста во рудниците во Кина е значително подобрена во последните децении, но сепак понекогаш се случуваат несреќи поради недоволно почитување на правилата за заштита при работа.