На влезот во Велес од Скопје се осветлува клучката кај Башино Село

На клучката кај Башино Село на влезот од Велес за приклучување на возилата при излезот од патот од Скопје за Велес, технички екипи вршат интезивни активности за нејзино осветлување. 

 

Како што информира за медиумите Дуњамин Мехмед од службата за информирање на Општина Велес, реализацијата на проектот е во надлежност на ЈП за државни патишта, а како дел од напорите за осветлување на клучките на државните патишта во Република Македонија, со цел да се подигне нивото на услуги на корисниците на патиштата.

 

- Со овој проект за осветлување на клучката во многу ќе се придонесе за поголема безбедност на оваа фрекфентна крстосница која е една од главните влеозви во градот, а тука води и патот кон езерото „Младост“, потенцира Мехмед.

 

Инаку, како што потсетуваат од Општина Велес претходно беше извршено целосно осветлување на автопатскиот тунел пред оваа клучка.

 

- Осветлувањето беше направено со лед светилки со што значително се зголеми прегледноста на возачите, а со тоа и безбедноста во сообраќајот, информира Мехмед.