Балкан
19. January 2017 - 11:53

На Лезбос пристигнале 20 мигранти

Во последните 24 часа на грчкиот остров Лезбос пристигнале 20 мигранти, додека на Хиос и Самос не се регистрирани нови бегалци.

Грчката полиција соопшти дека денеска на Лезбос, Хиос и Самос има 10.956 лица, кои аплицирале за азил и нивните барања се уште не се разгледани.

Европскиот комесар за миграција, внатрешни работи и државјанство, Димитрис Аврамопулос вчера посети два бегалски кампа на Лезбос, по што ги осуди условите во кои живеат мигрантите, особено сега во зимски услови и повика веднаш да се најде решение за овие луѓе.