На кој начин Sony го провоцира Apple

Набргу откако Apple ги претстави новите модели iPhone 6s и iPhone 6s Plus и откри дека ќе имаат батерии што траат исто како и претходните модели, Sony почна да ја провоцира компанијата од Купертино во врска со новите нејзини адути.

Sony на Twitter објави фотографија слична на онаа што Apple ја искористи како покана за вчерашниот настан. На неа, Sony ја прашува Siri за должината на траење на батеријата на новите телефони на Apple, а одговорот е „Switch to Sony“.

Јапонската компанија алудира на Xperia Z5 чија батерија трае до два дена, а твитот на Sony води кон нивниот сајт.