Москва: Забранета Скиентолошката црква

Московскиот суд донесе одлука за затворање на локалната Скиентолошка црква на барање на руското Министерство за правда.

Според Министерството, одредбите на црквата не се во согласност со федералниот закон за слобода на вероисповеста.

Скиентолошката црква во Москва е регистрирана во 1994 година, а наложено и е да воспостави комисија која ќе ја угаси во рок од шест месеци, пренесе ТАСС.

Како што е образложено, со оглед дека Скиентолошката го регистрирала своето име како американска трговска марка, не може да се смета за верска организација.