Москва предупреди на „тенденција кон ескалација“ на ситуацијата во Северна Кореја
Русија денеска соопшти дека е сериозно загрижена поради ситуацијата во Северна Кореја, предупредувајќи на „тенденција кон ескалација“, откако Пјонгјанг лансираше ракета што прелета преку северниот дел на Јапонија и падна во Тихиот Океан, во близина на островот Хокаидо.
- Гледаме тенденција што води кон ескалација, и исклучително сме загрижени поради севкупниот развој на ситуацијата, изјави рускиот заменик-министер за надворешна политика Сергеј Рјабков.
Проценките на јужнокорејскиот Генерален штаб покажаа дека ракетата, што утрово ја лансираше Пјонгјанг, прелетала околу 2.700 километри и достигнала височина од околу 550 километри.
Јапонската Влада соопшти дека ракетата прелетала над Јапонија и паднала во Тихиот Океан, на околу 1.180 километри источно од градот Еримом, на северниот јапонски остров Хокаидо.
Јапонската телевизија „Ен-Ејч-Кеј“ јави дека ракетата се распаднала на три делови.
Ново на Сител
-
Повторно одложен судскиот процес за Пендиков
-
Тошковски во посета на оперативниот тим „Кафез“ и Регионалниот центар за гранични работи Север
-
Османи во Стразбур, на сесијата на Комитетот на Министри на Совет на Европа
-
На Фицо ќе му биде извршена уште една операција
-
Утре стабилизирање на времето, а од сабота повторно дожд и грмежи
-
Кривична пријава за три лица, лажно нуделе градежен материјал во Охрид и Струга
-
ВМРО-ДПМНЕ и Вреди ги продолжуваат разговорите за нова влада
-
Најмалку тројца загинати во експлозија на киоск во Дизелдорф