Москва најавува разговори со Маск за вселенска мисија на Марс
Русија гледа големи можности за соработка со Соединетите Американски Држави, вклучувајќи го и вселенскиот сектор, и очекува наскоро да одржи разговори со Илон Маск за плановите за летови на Марс, изјави денеска Кирил Дмитриев, специјален претставник на претседателот Владимир Путин за меѓународна економска и инвестициска соработка.
Илон Маск, основачот на SpaceX, одамна е познат по своите амбициозни планови за истражување на Марс.
Во септември 2024 година, тој најави дека SpaceX планира да ги лансира првите беспилотни летала Starship кон Марс во рок од две години, за време на следниот соодветен астрономски период помеѓу Земјата и Марс.
Овие мисии ќе служат за тестирање на сигурноста на слетувањето, а според Маск, успешно изведеното слетување ќе отвори можност за човечки летови во наредните четири години.
Во поново време, Маск дополнително ги прецизираше своите планови, најавувајќи дека Starship ќе полета кон Марс кон крајот на 2026 година, носејќи го со себе и хуманоидниот робот на Tesla – Optimus.
Тој исто така изјави дека првите човечки мисии би можеле да започнат веќе во 2029 година, иако 2031 година е поверојатен датум, зависно од успехот на претходните мисии.
Овие планови доаѓаат во време кога се очекува администрацијата на претседателот Доналд Трамп да го зголеми фокусот на мисиите кон Марс, што би можело дополнително да ги поддржи амбициите на Маск.
Маск беше еден од најголемите донатори на кампањата на Трамп во 2024 година, а се очекува дека под неговото водство, НАСА ќе ја насочи повеќе својота програма Artemis кон Марс.
Иако овие планови се исклучително амбициозни, многу експерти сметаат дека зададените рокови се предизвикувачки, имајќи ги предвид техничките и логистичките барања за вакви мисии.
Сепак, Маск и SpaceX продолжуваат со развојот на технологијата и тестирањата за да ја остварат својата визија за населување на Марс.
Ново на Сител
-
Тошковски: Извршени се претреси во Министерство за економија, управителот и одговорното лице на „Пулс“ и Општина Кочани
-
Мајка на едногодишно девојче меѓу жртвите во пожарот во Кочани
-
Се враќал да извлече повеќе млади но се срушил кровот, Георги зад себе остава двомесечно дете
-
Тошковски: Темелна контрола на објекти со лиценца, но и на оние објекти кои се користат како дискотеки и клубови
-
Студентите во блокада со повик за оддавање почит за жртвите во Кочани во - Крагуевац и Нови Сад
-
За случајот со пожарот во дискотеката во Кочани досега приведени се 18, а задржани 16 лица, информира Тошковски
-
Митрополитот на Брегалничката епархија г. Иларион повика и ги замоли сите граѓани да бидат кротки, смирени, трпеливи во овие тешки мигови
-
Завршена обдукцијата на сите починати во пожарот во Кочани