Модерна ќе го зголеми производството на вакцини

Американската фармацевтска компанија Модерна, која произведува една од одобрените вакцини против коронавирусот, предлага да се зголеми содржината на лекот во секоја ампула на еден и пол пати, изјави претседателот на компанијата Стивен Хог.

Според Хог, производството на вакцини во моментов се забавува поради ограничувањата на количината на дози на вакцини по шишенце.

– Со оглед на тоа што компанијата се приближува до производство на еден милион дози на ден, предлагаме да додадеме повеќе лекови во ампулите за да ги отстраниме пречките во производството со зголемување на дозата на 15 дози наместо сегашните 10, рече претседателот на Модерна.

Хог нагласи дека оваа иницијатива бара одобрување од раководството на Администрацијата за храна и лекови (ФДА) при Министерството за здравство на САД. Минатиот петок, Си-Ен-Би-Си јави дека Модерна го испратила предлогот до супервизорот.