Минимален пораз на македонските ракометари од Исланд (30-29)
Машката ракометна репрезентација на Македонија претрпе минимален пораз (30:29) на дуелот од 4.коло од групата 4 во квалификациите за Европското првенство во Хрватска. Домаќинот Исланд ја оствари втората победа, па така сите четири селекции во оваа група имаат четири бодови и гол разликата до ова коло го решава пласманот.
Македонија на синоќешниот дуел можеби беше најблиску од сите свои гостувања да дојде до позитивен резултат против Исланд на Негов терен.
Во првиот дел Македонија имаше постојано водство, кое домаќинот успеваше да го стигне и на полувреме беше 16:16. Во второто полувреме противникот се одлепи во моментите кога постигна три гола на „празен гол“ кога поради исклучувања игравме без голман. Исланд дојде до четири голови разлика (28:24). До крајот на дуелот Македонија успеа само да го намали резултатот но немаше време за изедначување. Најефикасни кај Македнија беа Кирил Лазаров со 8 голови, Манасков постигна 7, а Миркуловски 6, додека Борко Ристовски имаше 15 одбрани.
Кај Исланд најефикасни беа нивните бекови Гудмунсон (7) и Карасон (6) кои заедно постигнаа 13 голови.
Табела: Чешка 4 бодови (+10 гол разлика), Македонија 4 (+3), Исланд 4 (-5), Украина 4 (-8).
Следните натпревари (последни од квалификациите) Македонија ги игра на 15.јуни со Украина на гости и на 18.јуни на домашен терен.
Ново на Сител
-
Перински: Партнерството со Унгарија ќе придонесе за унапредување на општинскиот развој
-
Главната железничка станица во Виена повторно е отворена за сообраќај по наводна закана за поставена бомба
-
Трамп: САД нема уште долго да ги толерираат изјавите на Зеленски
-
Муцунски: Унгарија е меѓу 10-те најголеми наши трговски партнери и странски инвеститори
-
Орбан ќе бара од Европскиот совет да нема заклучоци за Украина
-
Анкета: Само 13 oтсто од Украинците ги сметаат САД за пријателска земја
-
Муцунски: Нашата надворешна политика се базира на усогласеност со политиката на ЕУ и стратешкото партнерство со САД
-
Почна склучувањето договори за новата реколта тутун со нови цени
