Меси казнет со четири натпревари неиграње поради навреди кон помошник судија

 

 

 Аргентинскиот фудбалер Лионел Меси денеска е казнет од ФИФА со забрана за играње на четири натпревари од квалификациите за Светското првенство и парично – 10.000 швајцарски франци поради навреди врз официјално лице на фудбалски натпревар. 

 

Меси беше под истрага по навредите упатени кон помошник судија на натпреварот од четвртокот меѓу Аргентина и Чиле.

 

Дисциплинската комисија во ФИФА во соопштение наведува дека Меси е виновен поради „упатени директни навредливи зборови кон помошник судија“.

 

Меси нема да настапува вечерва против Боливија и во следните три натпревари на Аргентина против Уругвај, Венецуела и Перу.