Меркел-Порошенко: Санкциите против Русија треба да останат

Украинскиот претседател Петро Порошенко денеска побара од Западот да ги остави во сила санкциите против Русија поради нејзината поддршка за сепаратистите во источниот дел на Украина.

- Санкциите против Русија треба да останат се додека таа целосно не го исполни Договорот од Минск, истакна Порошенко на заедничка прес-конференција со германската канцеларка Ангела Меркел.

Тој беше поддржан од Меркел, која додаде дека поради непостигнување на траен мир, ЕУ треба да ги продолжи санкциите против Москва поради нејзината улога во конфликтот.

Германската канцеларка, исто така, ќе ја разгледа со Порошенко новата финансиска помош за Украина.