Мекејлеб пред трансфер во НБА

 

 

 Поранешниот македонски репрезентативец Лестер Бо Мекејлеб се наоѓа на чекор до трансфер во НБА тимот Њу Орлеанс.

 

На тимот му е потребен плејмејкер, а Мекејлеб не успеа да си обезбеди трансфер во Европа, па се очекува Американецот со македонски пасош да добие шанса во Њу Орлеанс како замена за повредениот Норис Кол.

 

„Пеликаните“во моментов имаат 20 играчи под договор и ќе треба да отпуштат еден од нив за да отворат место за Мекејелб.

 

Минатата сезона Бо настапуваше во дресот на Баерн Минхен со просек од 13,6 поени, 2,3 скока и 5,6 асистенции по натпревар. Тој колеџот го заврши во Њу Орлеанс, а во својата кариера играше и за Партизан, Мерсин , Монтепаски и Фенербахче.