Меѓу новозаразените со Ковид-19 во Хрватска се и тројца лекари
Меѓу новозаразените девет лица во Хрватска, тројца се лекари, соопшти хрватскиот весник „Јутарњи лист“.
Станува збор за двајца заразени лекари во Клиничко-болничкиот центар во Загреб и една лекарка од психијатриската болница Врапче, која до петокот била на работа. Откако денеска се добиени резултатите дека лекарката е позитивна на новиот коронавирус, дневната психијатриска болница е затворена, која и претходно функционирала со многу намален капацитет.
Што се однесува на двајцата лекари од КБЦ загреб, станува збор за лекарки од неврологија и кардиологија. Со тоа бројот на заразени лекари во КБЦ загреб се зголеми на четворица лекари (тројца од неврологија и едната лекарка од кардиологија).
Со Ковид-19 денеска се заразени уште девет лица, и сега вкупната бројка на заразени во Хрватска изнесува 65. Направени се 1014 тестирања, од кои некои се се уште во тек. Вкупно 630 лица се под надзор поради контакт со заразено лице. Во карантин се 63 лица, од кои 24 странски, а 39 хрватски државјани.
Ново на Сител
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија
-
Приведен тинејџер, полицијата кај него пронашла дрога
-
Поевтинуваат дизелот и Еуросупер БС 98
-
Судскиот совет го одложи утврдувањето на кандидатски листи за избор на двајца членови на Советот
-
Од среда променливо облачно и посвежо со повремен дожд
-
Вработените во Фондот за здравство утре ќе протестираат
-
Србинка барана по Интерпол уапсена на аеродромот во Скопје