Маск започна дискусии во американскиот Конгрес за намалување на трошоците на федералната влада

Милијардерот Илон Маск и неговиот колега претприемач Вивек Рамасвами вчера пристигнаа на Капитол Хил на состанок зад затворени врати со членовите на американскиот Конгрес за плановите на новоизбраниот претседател Доналд Трамп да ја „растури“ федералната влада.

Трамп ги повика двајцата бизнис титани да го предводат неговиот „Оддел за владина ефикасност“ (The Department of Government Efficiency – DOGE), со задача да отпуштат федерални работници, да ги намалат владините програми и да ги намалат федералните регулативи – сето тоа е дел од неговата агенда „Да ја спасиме ја Америка“ за втор мандат во Белата куќа.

-Ќе видиме многу промени овде во Вашингтон, изјави претседателот на Претставничкиот дом Мајк Џонсон, додека Маск со своето дете на рамениците влезе на состанокот.