Мас: Германија и САД имаат комплицирани односи
Односите меѓу Германија и Соединетите држави се комплицирани, изјави германскиот министер за надворешни работи, Хајко Мас, по повод најавата на Вашингтон да повлече дел од американските трупи од Германија.
Мас за „Билд сум Сонтаг“ изјави дека Берлин ќе покаже жалење доколку навистина дојде до ваков развој на настаните и дел од американските трупи во Германија се повлечат.
-Ние ја цениме соработката со американските трупи што се развиваше во текот на изминатите децении. Таа е во интересот на двете држави, рече Мес.
Британските медиуми наведуваат дека Мас признава дека постојат одредени разлики во односите меѓу двете земји.
-Ние сме блиски партнери во трансатлантскиот сојуз, но, тоа е комплицирано, изјави шефот на германската дипломатија.
Британските медиуми додаваат дека претставници на владеачкиот конзервативен блок на германската канцеларка Ангела Меркел вчера ја критикуваа одлуката на американскиот претседател Доналд Трамп да повлече 9.500 американски војници од Германија.
Доколку САД навистина повлечат дел од своите трупи, бројот на американски војници во Германија ќе се намали од 34.500 на 25.000.
Неименуван американски службеник изјави дека планот за повлекување на дел од трупите со месеци бил разгледуван во Прентагон и нема никаква врска со тензиите во односите меѓу претседстелот Доналд Трамп и канцеларката Ангела Меркел.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација