Манифестација „Денот кога се роди добриот човек“ во Кавадарци
„Денот кога се роди добриот човек“ е меморијалната манифестација посветена на Дејан Костов Лиса, која синоќа се организираше по шести пат во градскиот парк на Кавадарци.
Марјан Тодоровски од Здружението за алтернативна култура „Алтер Центар“ Кавадарци за Костов рече дека бил еден од последните урбани ликови од Кавадарци, соработник на најдобрите кавадаречки уметници од повеќе области, борец за тоа неговиот град да стане подобро место за живеење. На манифестацијата традиционално се слуша рокенрол музика, се чита поезија и се организираат ликовни изложби.
- Во негова чест, ние како негови долгогодишни пријатели и соработници решивме на денот на неговото раѓање да ја организираме оваа манифестација. Вечерва меѓу другото имаме и изложба на фотографии од кавадарчанецот Гордан Ристовски-Гого, кој живее и работи во Швајцарија, рече Тодоровски.
Тој потсети дека здружението е формирано токму поради оваа манифестација.
За забавата на присутните се погрижи рокенрол бендот „Лексикон“. Ова беше втората манифестација која Здружението за алтернативна култура „Алтер Центар“ ја организира годинава. На 16 април беше реализирано второто издание на манифестацијата „Пријателите за Ристо“, посветена на еден од најголемите кавадаречки и македонски ликовни уметници Ристо Соколов Сокол.
Ново на Сител
-
Ковачевски поднесе оставка од функцијата претседател на СДСМ
-
ЦУК: Поплавени дворови и подрумски простории во Драчево
-
Авион принудно слета на аеродромот во Тирана, патник се обидел да се самоубие
-
ДСЗИ изврши надзор на Токсикологија, склучените договори за работа се со потпис на еден директор
-
ДИК: Излезноста до 13 часот е 25,48 проценти, поголема во однос на 8 мај
-
Умерен земјотрес во Романија
-
Говор на омрза врз срцето со македонско знаме и букви на натписот Гостивар
-
Просечната нето плата во март 40 496 денари