Македонските фудбалери против Швајцарија стартуваат во ЛН

Продажбата на влезниците за воведниот натпревар на македонската фудбалска репрезентација во Б – дивизијата во УЕФА Лигата на нации (ЛН) против Швајцарија во Скопје ќе почне в четврток, соопшти денеска Фудбалската федерација на Македонија (ФФМ).

Натпреварот е закажан за 26 септември со почеток во 20:45 часот на Националната арена „Тодор Проески“.

Цената на влезниците изнесува од 500 до 1.800 денари, во зависност од блокот и местото на трибините. ВИП билет чини 3.000 денари.

ФФМ наскоро ќе ги објави и официјалните информации за продажбата на билети за натпреварот против Шкотска, што ќе се игра во Скопје на 3. октомври.

Во меѓувреме, во рамки на септемврискиот циклус од Б групата на УЕФА Лигата на нации, македонската репрезентација ќе и гостува Словенија на 29. септември на стадионот „Стожице“ во Љубљана, а влезниците за натпреварот ќе бидат пуштени во продажба на 14. септември.

МИА