Македонија се приклучува кон ЕУ борбената група HELBROC
Македонија се приклучува кон ЕУ борбената група HELBROC, која е под директна контрола на Советот на Европската унија и е дел од заедничката безбедносна и одбранбена политика на Унијата. Во борбената група HELBROC, која е предводена од Грција, со свои вооружени сили учествуваат и Бугарија, Романија, Кипар, Србија и Украина, соопшти Министерството за одбрана.
Армијата на Република Македонија во HELBROC ќе учествува со еден лесен пешадиски вод од најмногу 43 лица во состав на Првата воздушна мобилна чета (Airmobile), заменик-командир на четата и подофицер за операции во штабот на HELBROC.
Соопштувајќи ја оваа важна вест пред новопримените професионални војници во касарната во Велес, министерката Радмила Шекеринска рече дека учеството во HELBROC го истакнува придонесот на Армијата за евроинтегративниот процес на Република Македонија.
– Армијата и одбраната не се важни само за нашето НАТО членство туку и за нашиот втор стратешки приоритет – членството во ЕУ. Владата потврди дека Македонија ќе се приклучи на мултинационалната ЕУ борбена група HELBROC. Со ова покажуваме дека нашите амбиции не завршија со членството во НАТО, туку се зголемија и ќе бидеме аргумент плус и за нашето членство во ЕУ, рече Шекеринска.
Мисиите во кои може да биде вклучена HELBROC се операции за поддршка на мир, раздвојување на завојувани страни, стабилизација, реконструкција и воено советување на трети земји, превенција на конфликти и операции за евакуација и асистенција на хуманитарни операции.
Ново на Сител
-
Нова промена на цените на горивата од полноќ
-
Таравари денеска ќе потпише решенија за разрешување на економски директори во Клиничкиот центар
-
Зоран Љутков ја презеде функцијата министер за култура, најавува макотрпна работа и инвестиции
-
Претседателот на Уставниот суд во МВР пријави закани по животот и безбедноста врз уставни судии
-
Од 1 јули Грција воведува 6-дневна работна недела!
-
Јаневска ја презеде функцијата министер за образование и наука, најавува промени креирани врз база на темелна анализа
-
Златко Перински ја презеде функцијата министер за локална самоуправа
-
Прегазен 80 годишен пензионер во Битола