Македонците во Пустец ги добија првите решенија за легализација на нивните домови
На скромна свеченост во Пустец, Мала Преспа, беа доделени првите 50-тина решенија за легализација на објекти изградени по 1991 година.
– Конечно се оствари долгоочекуваниот сон на Македонците во општина Пустец за легализација на објектите изградени после 1991 година. Благодарение на соработката на општина Пустец со Регионалната дирекција на Државната агенција за катастар во Корча, како и на упорноста на генералниот директор на агенцијата, Артан Ламе, поделени се првите 50-тина решенија за легализација, објави општина Пустец на официјалната страна на Фејсбук.
На доделувањето на решенијата присуствувале и градоначалникот на општина Пустец, Пали Колефски, и директорката на Регионалната дирекција на Државната агенција за катастар во Корча, Беса Спахо.
Додаваат дека набрзо ќе може да се поделат и останатите решенија кои се во постапка за решавање и оти се очекува целосна легализација на сите имоти на Македонците во општина Пустец.
– Генералниот директор, Артан Ламе, и градоначалникот на Пустец, Пали Колефски, им ветија на Македонците во Мала Преспа, дека ќе продолжи процесот на легализација за градбите пред 1990 година и за земјоделските површини, стои во објавата.
Голема благодарност за легализацијата на имотите, Македоцните во Мала Преспа искажуваат и до Васил Стерјовски, лидер на македонската партија, Македонска алијанса за европска интеграција, кој како пратеник во албанскиот парламент, ова прашање го актуелизира во законодавен дом по што постигна согласност за превземање активности за решение на проблемот. Тој оствари повеќе средби со директорот Ламе по што почнаа активностите за надминување на проблемот.
Директорот Ламе со своите соработници и градоначалникот Колефски ја посети и црквата „Свети Архангел Михаил“ во центарот на Пустец, каде имаа срдечен разговор со свештеникот Алексо Темелко.
Популарно од Македонија
Ново на Сител
-
Мицкоски: Многу скоро ќе се излезе со информација за тоа што се случило во Гостивар и ќе има одговорност
-
Приведен возач во тетовско, возел без возачка дозвола и предизвикал сообраќајна несреќа
-
Николоски: Реконструкцијата на Охридскиот аеродром се одвива според утврдената динамика, ќе биде готов до крајот на летото
-
И Здравје и работа: Време е Македонија да избере развој заснован на знаење и да се реализира проектот за рудникот „Иловица – Штука“
-
Клековски во Гостивар: Се бара причината за зголемениот број на пациенти во Гостивар
-
САД и Ирак потпишаа 48 договори, главно во енергетскиот сектор
-
Илјадници луѓе без вода за пиење во Иран по американските напади
-
Инфантино: Светско првенство 2026 е најдобро во историјата
