МАЕИ не успеа да обезбеди пратенички мандат
Единствената партија на Македонците во Албанија, Македонска алијанса за европска интеграција, МАЕИ,не успеа да обезбеди пратенички мандат и во новиот албански парламент.
Македонската партија, на изборите беше во коалиција со Движењето за социјалистичка интеграција, ЛСИ, чиј поранешен лидер е ново избраниот претседател Илир Мета. Единствен кандидат беше Васил Стерјовски, генерален секретар на партијата и познат активист за правата на Македонците, кој беше на кандидатската листа на ЛСИ во изборна единица Корча.
- За жал Македонците и овој пат ја прокоцкаа шансата да имаат свој претставник во Парламентот. Во изборната едница Корча се избраат 11 пратеници. Од 85 отсто пребројани гласови шест пратеници има Социјалистиката партија, четири Демократската и само еден ЛСИ. Веќе е јасно дека немаме шанси за пратенички мандат, бидејќи се наоѓам на петтото место на кандидатската листа. И овојпат Македонците се поделија, па на место да гласаат за Македонец, тие гласаа за албанските партии, изјави Стерјовски.
Инаку, МАЕИ на претходните избори,во јуни 2013 година, учествуваше со своја листа, на која носител беше универзитетската професорка Валентина Нестор, но не успеа да го обезбеди потребнот број гласови.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош