Литургиите во грчките цркви за Велигден ќе се одвиваат зад затворени врати
Свечените литургии за време на неделата пред Велигден, во црквите ќе се одржат скромно, без мегафони и без биење на камбаните, зад затворени врати, одлучи Светиот синод на Грчката православна црква по вчерашниот повеќечасовен состанокот одржан телеконференциски и ги повика сите да се придржуваат кон „упатствата на здравствените власти и научниците и да не бидат под влијание на оние кои укажуваат на непослушност, што во овој момент не е оправдано ниту во името на христијанската вера“, јави дописничката на МИА од Атина.
Светиот синод на ГПЦ, паралелно ја поздравува изјавата на министерката за образование и религија на Грција Ники Керамеос за литургии зад затворени врати и паралелно додаваат дека доколку помине опасноста, ноќта меѓу 26 и 27 мај ќе се одржи свечена литургија за Воскресението.
-Посакуваме и се молиме опасноста набргу да помине за сите заедно (свештенството и народот) да успееме да го славиме Воскресението на нашиот Господ со свечена целовечерна литургија за Воскресението за време на деновите по Велигден, односно во текот на ноќта меѓу вторник 26 и среда 27 мај 2020, соопштуваат од Светиот синод.
На состанокот било одлучено Грчката православна црква да одвои 150 илјади евра помош за здравствените институции во Грција, а членовите на Светиот синод, ќе достават една плата за специјалната сметка за справување со коронавирусот и ги повикаа и останатите свештени лица да го сторат тоа.
Ново на Сител
-
„Политико“: Силјановска-Давкова предизвика расправии со Грција уште при полагањето заклетва
-
ДИК ќе одлучува по однос на пристигнатите приговори од парламентарните избори
-
За брзо возење казнети 553 возачи
-
Руската армија тврди дека неутрализирала 31 украински дрон
-
Одложено судењето за „Шпански скали“
-
За прв пат од 2004 година, ниту Ѓоковиќ ниту Надал нема да бидат во четвртфиналето во Рим
-
Главчев и Радев по инаугурацијата на Сиљановска-Давкова: Договорите мора строго да се спроведуваат
-
МНР: Да се почитува Договорот од Преспа - со Грција развивме високо ниво на политички дијалог