Курти: Дијалогот со Белград не може да продолжи нормално по српската агресија врз Косово
Косовскиот премиер, Албин Курти по денешната средба со американските сенатори Џин Шахин и Питер Велч, кои престојуваат во официјална посета на Косово, изјави дека ги информирал гостите од САД со најновите податоци за нападот на 24 септември во Бањска и за вмешаноста на Србија во него, јави дописникот на МИА од Приштина.
На заедничката прес-конференција со Шахин, Курти рече дека од обезбедените докази е очигледно дека нападот во Бањска бил дел од поширок план на Белград за анексија на северот на Косово преку координирани напади на 37 локации.
Тој нагласи дека дијалогот меѓу двете држави, со посредство на Европската унија, со оглед на дестабилизирачките тенденции на Србија, не може да продолжи нормално.
-Разузнавачките институции забележуваат дека има зголемен ризик од напади од Србија… Сите овие обиди за дестабилизација мора да престанат веднаш. Дијалогот олеснет од ЕУ не може да продолжи бидејќи речиси ништо не се случи. Новото поглавје од дијалогот за нормализација треба да ги земе предвид и агресивните дејствија на Србија и нејзините напори за анексија на Косово. Мора да се преземат чекори за да му се даде на дијалогот уште една шанса да успее. Поитно од кога било досега е Србија да престане да кажува дека никогаш нема да го признае Косово, рече Курти.
Сенаторката Шахин порача дека на регионот му треба стабилност и мир и во тој правец мора да се работи по секоја цена.
-САД се покрај вас, рече Шахин, нагласувајќи дека одговорните за нападот од 24 септември мора да понесат одговорност.
Ново на Сител
-
Сиљановска Давкова: Разговорот со Радев беше пријателски и со почит, ни за миг не ги заборавив македонските национални интереси
-
Дел од општина Центар утре без вода
-
САД со санкции против конзорциумот Intellexa кој продавал шпионска технологија на авторитарните режими
-
Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување
-
Бајден: На американската тајна служба и треба повеќе помош и работна сила
-
Градоначалникот на Белград повторно зборува за селење на гробот на Тито од Куќата на цвеќето
-
Осомничениот за обидот за убиство на Трамп пред федералниот суд на Флорида
-
Тепачка помеѓу две сестри во Скопје