Кумановскиот театар со шест премиери во 2016

Кумановскиот театар годинава ќе реализира шест премиери, две комедии, драма, детска и две претстави на албански јазик. 

Министерството за култура ќе ја поддржи реализацијата на две претстави-„Ревизор“ во режија на Андреј Цветановски, со чија подготовка театарот ќе почне кон крајот на февруари и „Бегај, еве ја жена ми 2“ во режија на Коле Ангеловски, чија премиера театарот ја планира за втората половина од годината, односно за затворање на фестивалот „Денови на комедија“.

- Тетатарот со сопствени средства ќе реализира две претстави, драма и детска претстава, изјави Симона Тоскиќ, продуцент во Кумановскиот театар.

Лани во Кумановскиот театар беа изведени седум претстави на македонски јазик, „Брачна игра“, „Жена од минатото“,„Грдиот“, „Мајката Храброст“,„Пинокио“,„Аудиенција“ и „Идиоти“, кои ги посетиле над 10 илјади љубители на театарот.

- Планираме и годинава да продолжиме со исто темпо бидејќи резултатите покажаа дека само со разновидност на репертоарот може да се одржи посетеноста која ја постигнавме, изјави Тоскиќ.