Кривична пријава за тројца стружани за кражба на дрва

Полициската станица во Струга поднесе кривична пријава против лицата Л.И.(31), Д.Д.(18), двајцата од струшкото село Франгово и Ш.М. (20) од селото Радолишта поради кражба на дрва.

Пријавените, според СВР Охрид, на 17 овој месец биле затекнати во бесправна сеча на букови дрва во шумски терен кај местото Гропа во атарот на струшкото село Франгово.

-  Полициските службеници како и шумскиот полицаец констатирале дека пријавените на туѓ имот неовластено пресекле околу 40 стебла букови дрва, кои веднаш потоа ги префрлиле на соседна локација одалечена околу 100  метри, изјави портпаролот на СВР Охрид Стефан Димоски.

Шумската полиција ги одзела бесправно исечените и нежигирани букови дрва во количина од 14 кубни метри.