Кривична пријава за 14 навивачи во вчерашната тепачка кај Стража
СВР Тетово поднесе кривична пријава за 14 лица учесници во вчерашната тепачка која се случи покрај магистралниот пат Гостивар-Кичево, во непосредна близина на Сретковскиот мост, помеѓу навивачите на Фудбалскиот клуб „Шкендија“ од Тетово и на Ракометниот клуб „Будуќност“ од Црна Гора.
Портпаролот на СВР Тетово, Марјан Јосифоски, информираше дека веќе се идентификувани и со кривична пријава за „учество во тепачка“, која ќе биде поднесена во текот на денов, опфатени 11 лица, навивачи од Црна Гора и 3 лица од нашата држава, навивачи на „Шкендија“ од Тетово.
- Четиринаесетте осомничени се приведени и во консултација и координација со јавен обвинител задржани се во СВР Тетово, по што со соодветна пријава денеска ќе бидат изведени пред судија во претходна постапка на Основниот суд Гостивар, појасни Јосифоски.
Тој нагласи дека СВР Тетово, продолжува со активностите за идентификување и на други учесници во тепачката против кои, исто така, ќе следуваат поднесоци, како и на расветлување на сите поединости, кој се бил инволвиран и зошто се случила тепачката на тоа место.
Вчера попладне во близина на преминот Стража, потсети Јосифоски, дошло до „блиска средба“ на две групи навивачи која прераснала во тепачка. Едно лице било прободено со остар предмет, едно со расченици на главата, а други двесетина побарале медицинска помош во гостиварската и кичевската болница.
Ново на Сител
-
Светски ден на семејниот лекар
-
Преглед на вестите од светот
-
Тема на денот со Александар Даштевски, претседател на ДИК
-
БРАКО претстави ново електрично возило за чистење
-
ДИК потврди - Во среда ќе се прегласува на 7 избирачки места
-
ДУИ со предупредувања од Мала Речица
-
Мицотакис со нови закани кон идната Македонска Влада
-
Прва официјална посета на Силјановска Давкова ќе биде во Ватикан и Рим