Кривична пријава против две лица за недозволена трговија со дрога
СВР Охрид поднесе кривична пријава против С.Д. (65) од Битола и против едно непознато лице поради постоење основи на сомнение дека сториле кривично дело „неовластено производство и пуштање во промет на наркотични дроги, психотропни супстанции и прекурзори“, предвидено во Кривичниот Законик на Република Македонија. Од судија на претходна постапка на пријавениот С.Д. му е определена мерка притвор до 30 дена.
Како што соопшти МВР, по претходно добиени сознанија за недозволена трговија со дрога на подрачјето на Охрид на 30-ти овој месец околу 03:50 часот, при преземање на оперативно тактички мерки на регионалниот пат Охрид-Свети Наум, полициски службеници забележале пловен објект како доаѓа од правец на Република Албанија и се движи кон брегот, каде чекале две непознати машки лица. Кога пристигнал пловниот објект непознатите, лица со гумени чизми влегле во водите и од пловниот објект земале поголем број на платнени торби. После тоа лицето со пловниот објект се вратило назад кон Република Албанија, а двете лица торбите ги ставиле во патничко моторно возило „Шкода Октавија“ со скопски регистарски ознаки, управувано од второ пријавеното непознато лице, и се упатиле во правец на Охрид. Полициските службеници го следеле возилото и кога пристигнале во населба Рача дале сигнали за застанување на возилото. Наместо тоа, лицата го оставиле возилото и побегнале. По преземените мерки пријавениот С.Д. е фатен и лишен од слобода, додека другото непознато лице се уште е недостапно.
По извршениот претрес во возилото, како што соопшти МВР, пронајдени се 10 црни платнени торби во кои имало 84 најлонски паковки со непозната зелена растителна материја. Пронајдените торби се запленети, а пријавениот бил лишен од слобода и приведен во СВР Охрид. По извршеното вештачење било потврдено дека станува збор за околу 117 килограми марихуана. Полицијата презема мерки за откривање и идентификување на второ пријавено лице.
Ново на Сител
-
Во Струга до 17 часот излезноста за претседател 23 проценти, за парламентарните избори 35 отсто, во Вевчани над 63 проценти
-
Двајца фаворити на изборите во Бугарија се на американската црна листа
-
Во Куманово за претседателските избори, излезеноста до 17 часот e 37,66, за парламентарните е 44,82 отсто
-
Во Југоистокот продолжува трендот на најголема излезност во Дојран и Гевгелија, најмал во Радовиш
-
Во Штип излезноста до 17 часот е над 48 отсто на двојните избори
-
Излезноста до 17 часот за претседателски избори е 42,32%, за парламентарни 46,93%
-
Пет лица повредени откако од патот излета возило со албански регистрации во Струшко
-
Во Охрид до 15 часот гласале околу 38, во Дебрца околу 37 отсто од гласачите