Косово отвори конзулат во Хамбург
Вршителот на должноста министер за надворешни работи на Косово Беџет Пацоли објави дека синоќа е отоворен генералниот конзулат на Република Косово во градот Хамбург во северна Германија, јави дописникот на МИА од Приштина.
Преку својот профил на Твитер, Пацоли информира дека ова е петтиот конзулат што Косово го отвора во државата која е нејзин стратешки сојузник во Европа.
– Вечерва во Хамбург го инаугуриравме Генералниот конзулат на Косово, кој ќе промовира посилни односи со северот на Германија, ќе ја зајакне трговијата и економската размена и ќе понуди подобри услуги за нашата дијаспора во северна Германија. Ова е петтиот генерален конзулат во Германија, нашиот стратешки партнер во Европа, напиша Пацоли.
Тој додава дека во изминатите две години од неговиот мандат на чело на косовската дипломатија активно работел на проширување на дипломатските и конзуларните претставништва на Косово во светот.
– Присутни сме во повеќето значајни земји во Европа и во сите региони во светот. Ова e во функција на едно посилно глобално Косово, кое се ангажира заедно со пријателите и партнерите, напиша Пацоли.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО