Користете сигурносен појас, за 50 проценти се намалува ризикот од фатални повреди, апелира РСБСП
За 50 проценти се намалува ризикот за фатални повреди кај возачите и патниците доколку користат сигурносен појас во возилата, покажуваат истражувањата. Затоа од Републичкиот совет за безбедност на сообраќајот на патиштата (РСБСП) апелираат до возачите и патниците задолжително при секое патување да користат појас.
– Биди паметен, размисли на време! Ниеден изговор не е доволно оправдание. Затоа задолжително, при секое патување, стави појас. Појасот нека биде твој верен и неразделен пријател на секое патување, независно од тоа дали си возач или патник. Добрите навики, живот значат, велат од РСБСП.
Според нив, изговори кои немаат смисла се „Појасот ме стега, не можам да го носам“, „Имам воздушно перниче, не ми треба појас“, „Во случај на сообраќаја незгода, доколку возилото го зафати пожар или падне во вода, подобро е да не користам појас“, „Возам бавно и во населено место не ми треба појас“ и „Во сообраќајна незгода, подобро е да излетам од возилото, отколку да останам внатре во возилото“.
– Сообраќајните незгоди се случуваат секому, секаде и тоа кога најмалку очекувате. Никој кој учествувал во сообраќајна незгода не ни помислувал дека токму него, токму тој ден, ќе му се случи сообраќајна незгода. Затоа, биди паметен, задолжително, при секое патување, стави појас, апелираат од РСБСП.
Ново на Сител
-
Белгиските и холандските медиуми за изборите: Гласачите изразија незадоволство од бавните преговори за членство со ЕУ
-
Во Шпанија луѓето живеат во просек 84 години
-
Лазаров побара голема поддршка од публиката пред реваншот со Фарски острови
-
Возило излетало од коловозот на патот Македонска Каменица - Виница, возачот починал
-
Во Нов Дојран во двор пронајдена граната од Пртва светска мвојна
-
Вархеји до Мицкоски: Честитки за убедливата победа, да работиме заедно на следното ниво од пристапниот процес
-
Маричиќ: Го честитам успехот на победниците, ќе се вложам во реформите во СДСМ
-
Тренчевска се повлекува од функцијата претседателка на форумот на жени на СДСМ