Конференција за размена на добри практики за антидискриминација

„Размена на добри практики за антидискриминација - работа на австриската инфраструктура за еднаквост и Комисијата за заштита од дискриминација“, е тема на конференцијата што ќе се одржи денеска во организација на Комисијата за заштита од дискриминација, заедно со Мисијата на ОБСЕ во Скопје.   

Целта на оваа конференцијата е да се поддржи процесот на размена на добри практики во областа на промоција и заштита од дискриминација врз основа на пол, попреченост, етничка припадност и возраст помеѓу Комисија за заштита од дискриминација и австриски инфраструктура за еднаквост.

На конференцијата, ќе се обезбеди можност за споделување и размена на идеи помеѓу различните чинители во областа на анти-дискриминацијата за можните начини за напредок на работата на Комисијата и во ефикасното спроведување на нејзините широко поставени надлежности.