Кинески научници првпат во историјата клонираа мајмуни

Кинески научници објавија дека првпат по 300 обиди, успеале да клонираат мајмуни. Двата клона се првите примати коишто се клонирани со истата техника со која беше клонирана и овцата Доли своевремено, пишува „Индепендент".

Новите техники и методи ќе овозможат создавање лабораториски услови за креирање генетски идентични мајмуни, што би отворило многу можности во научните и медицинските  истражуивања.

- Тие ќе бидат корисни во медицинските испитувања, на генетиските болести, па дури и на ракот, автоимуните болести или метаболичните пореметувања, но и во други научни дисциплини, изјави Чанг Сун од кинескиот Институт за неврологија.

Клонираните мајмуни се родени пред осум и шест недели, соодветно, во лабораторија во Кина.