Ким Џонг-ун набрзо ќе допатува во официјална посета на Москва
Рускиот заменик-министер за надворешни работи Андреј Руденко најави дека севернокорејскиот лидер Ким Џонг-ун ќе ја посети Москва.
-Потврдувам дека претседателот на Државните работи на Северна Кореја има покана од рускиот претседател Владимир Владимирович Путин да оствари официјална посета на Русија и се надеваме дека ќе го координираме времето и агендата на овие разговори преку дипломатски канали, посочи Руденко.
Тој додаде дека сè уште е рано да се зборува за конкретен датум на посетата на Ким на Русија.
Руденко претходно соопшти дека се подготвува посета на рускиот министер за надворешни работи Сергеј Лавров на Пјонгјанг, со цел продолжување на стратешкиот дијалог помеѓу двете земји.
Русија и Северна Кореја минатата година постигнаа меѓусебен одбранбен договор, чија цел е зајакнување на сојузот против, како што го нарекоа „западниот хегемонизам“. Договорот предвидува Северна Кореја да добие пристап до напредната руска ракетна и сателитска технологија во замена за воена помош, вклучително и испраќање војници, оружје и муниција за Русија.
Ново на Сител
-
Папата Лав Четиринаесетти повика да се дозволи влез на хуманитарна помош во Појасот Газа
-
Приведен измамник од Велес, на интернет продавал наводно благословени предмети
-
Во МЕПСО им се барало мито на инвеститори, Мицкоски очекува наскоро да бидат обелоденети ваквите тврдења
-
Фрлил шише со запалива течност на влезна врата од казино во Чаир, пробал да го запали
-
Двајца основци од училиште кај Бит Пазар нападнале соученик со остар предмет
-
19-годишен возач со „БМВ“ удрил 81-годишен пешак во Тетово
-
Мицкоски: Не го знам името на новиот гувернер, ќе имам средба со претседателката
-
Каја Калас во петок во Скопје на средба со премиерот Мицкоски