Камерон: Велика Британија не може да биде „рај“ за валканите пари
Британскиот премиер Дејвид Камерон остро се спротивстави на претворањето на Велика Британија во „рај“ за валкани пари.
Камерон, кој се наоѓа на четиридневна турнеја низ неколку земји на Југоисточна Азија заедно со поголема група британски бизнисмени, во Сингапур порача дека „странците мора да бидат спречени“ да купуваат недвижен имот - скапи и ексклузивни станови и куќи за живеење - со „испрана готовина“.
Спречувањето на овој „бизнис“ треба да биде дел од глобалните напри за пресметка со корупцијата, смета британскиот премиер.
Излагањето на Камерон во Сингапур, во британските медиуми доаѓа по сознанијата дека „сомнителни“ компании купуваат скапи и екслузивни имоти низ Велика Британија, како и дека таквите примери се најбројни во Лондон и во реонот околу британскиот главен град.
Британскиот премиер се заложи целата меѓународна заедница да се вклучи во пресметката за совладување на, како што вели, „ракот наречен корупција“.
Според британските податоци, недвижните имоти се купуваат од странци, преку анонимни компании со „испрани“ пари.
Станува збор за нетрговски компании кои најчесто немаат никаква друга функција, освен да им служат на нивните сопственици за „посебни потреби“.
Повеќе од 100 илјади имоти во Велика Британија се заведени кај општинските и локалните власти на име на странски компании. Повеќе од една третина од овие имоти (станови и куќи) се наоѓаат во реонот на Лондон и се сопственост на разни оф-шор фирми.
Испитувањето открива дека повеќе од 122 милијарди фунти, вложени во недвижен имот во Англија и во Велс, се сопственост на разни оф-шор компании.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава